ବନ୍ଧୁଙ୍କୁ ପତ୍ର
ସ୍ନାନ : ଖମାରବେଳରଗା
ତା. : ୦୮.୦୪.୨୦୨୫
ପ୍ରିୟର ସିଦ୍ଧାର୍ଥ,
ମୋର ଶୁଭେଚ୍ଛା ନେବୁ। ଆଶା କରୁଛି, ତୁମେ ପରିବାର ସହ ଭଲରେ ଥିବ। ପରିବାରର ସମସ୍ତ ଗୁରୁଜନ ଓ ଲଘୁଜନମାନଙ୍କୁ ମୋର ଯଥାମାନ୍ୟ ଜଣାଇଦେବୁ।
ଖରାଛୁଟିରେ ମୁଁ ଓ ବୋଉ ମାମୁଘରକୁ ଯାଇଥିଲୁ । ମୋ ମାମୁଘର ପୁରୀରେ । ଆମେ ‘ବନ୍ଦେ ଭାରତ ଏକ୍ସପ୍ରେସ୍’ରେ ବସି ପୁରୀ ଗଲୁ । ଜେଜେମା’ଙ୍କ ଦେହ ଭଲ ନ ଥିବାରୁ ବାପା ଘରେ ରହିଲେ । ସେ ଘରେ ରହି ଜେଜେମା’ଙ୍କର ଯତ୍ନ ନେଲେ । ମୁଁ, ମାମୁ, ମାଈଁ ଓ ବୋଉ ମିଶି ପୁରୀ ଓ କୋଣାର୍କ ବୁଲିଲୁ । ଜଗନ୍ନାଥ ମନ୍ଦିର ପାଇଁ ପୁରୀ ପୃଥିବୀ ପ୍ରସିଦ୍ଧ । ପ୍ରତିବର୍ଷ ପୁରୀରେ ବିଶ୍ଵ ପ୍ରସିଦ୍ଧ ରଥଯାତ୍ରା ହୁଏ। ରଥଯାତ୍ରା ଦେଖିବା ପାଇଁ ବହୁତ ଭିଡ଼ ହୁଏ। ପୁରୀର ସମୁଦ୍ରକୂଳ ବହୁତ ସୁନ୍ଦର । ସମୁଦ୍ରକୂଳରେ ବୁଲିବା ପାଇଁ ଦେଶ ବିଦେଶରୁ ବହୁତ ଲୋକ ଆସିଥାଆନ୍ତି । ବିଦେଶରୁ ଓ ଅନ୍ୟ ରାଜ୍ୟରୁ ଉଡ଼ାଜାହାଜରେ ଲୋକମାନେ ଆସି ଭୁବନେଶ୍ଵରର ବିଜୁ ପଟ୍ଟନାୟକ ବିମାନବନ୍ଦରରେ ଓହ୍ଲାଇଥାଆନ୍ତି। ସେଠାରୁ ବସ୍ ଓ କାର ଯୋଗେ ପୁରୀ ଓ କୋଣାର୍କ ବୁଲିବା ପାଇଁ ଯାଆନ୍ତି ।
ପୁରୀଠାରୁ କିଛି ଦୂରରେ ଚନ୍ଦ୍ରଭାଗା ନଦୀ ବହିଯାଉଛି । ସେହି ନଦୀର ମୁହାଣରେ କୋଣାର୍କ ମନ୍ଦିର ଅଛି । ରାଜା ନରସିଂହଦେବ ବାରଶହ ବଢ଼େଇଙ୍କୁ ଲଗାଇ ଏହି ମନ୍ଦିର ତିଆରି କରାଇଥିଲେ । ଏଠାରେ ସୂର୍ଯ୍ୟଦେବତାଙ୍କୁ ପୂଜା କରାଯାଏ । ମନ୍ଦିରଟି ଦେଖିବାକୁ ଠିକ୍ ଗୋଟିଏ ରଥ ପରି । ସେହି ରଥରେ ସାତୋଟି ଘୋଡ଼ା ଓ ଚବିଶଟି ଚକ ରହିଛି । ବାର ବର୍ଷର ବାଳକ ଧର୍ମପଦ କୋଣାର୍କ ମନ୍ଦିରର ମୁଣ୍ଡି ମାରିଥିଲା । କୋଣାର୍କ ମନ୍ଦିର ନିକଟରେ ଥିବା ବେଳାଭୂମିରେ ଆମେ ଚାଲି ଚାଲି ବୁଲିଲୁ । ମାମୁ କହୁଥିଲେ ସୁସ୍ଥ ରହିବା ପାଇଁ ଚାଲିବା, ଖେଳିବା, ସାଇକେଲ ଚଲାଇବା, ଦୌଡ଼ିବା ଓ ପହଁରିବା ବହୁତ ଜରୁରୀ । ବାପା ମତେ ଏଥର ପହଁରିବା ଶିଖାଇଛନ୍ତି । ଆଉ ପ୍ରତିଦିନ ସକାଳୁ ମୁଁ ମୋ ପିଉସୀଙ୍କ ସହ ମିଶି ଯୋଗ ଓ ବ୍ୟାୟାମ କରୁଛି । ଏସବୁ କରିବାଦ୍ୱାରା ମୋର ଦେହ ଓ ମନ ସୁସ୍ଥ ରହୁଛି । କାମ କରିବାକୁ ମଧ୍ୟ ଆଗ୍ରହ ଆସୁଛି । ତେଣୁ ତୁ ମଧ୍ଯ ସୁବିଧା କରି ଏ ସବୁଥୁରୁ କିଛି କିଛି କରିବା ପାଇଁ ଚେଷ୍ଟା କର । କାରଣ ସୁସ୍ଥ ଶରୀର ଓ ମନ ପାଇଁ ଶାରୀରିକ ବ୍ୟାୟାମ ନିତାନ୍ତ ଆବଶ୍ୟକ । ମୁଁ ମୋ ସାଙ୍ଗସାଥୀଙ୍କ ସହ କ୍ରିକେଟ, କବାଡ଼ି, ଖୋଖୋ ପରି ଖେଳ ଖେଳୁଛି ।
ତୁମେ ଖରାଛୁଟିରେ କେଉଁଆଡ଼େ ବୁଲିବାକୁ ଯାଇଥିଲ, ସେ ବିଷୟରେ ପତ୍ର ଲେଖି ଜଣାଇବୁ । ଯଦି ସୁବିଧା ହୁଏ ମଉସା, ମାଉସୀ ଓ ନିକିକୁ ନେଇ ଆମ ଘର ଆଡ଼େ ବୁଲି ଆସିବୁ । ତୋର ଚିଠି ଅପେକ୍ଷାରେ ରହିଲି ।
ଇତି
ତୋର ଅନ୍ତରଙ୍ଗ ବନ୍ଧୁ
ଜିତେନ୍ଦ୍ର
ଠିକଣା
ପ୍ରେରକ ଶ୍ରୀ ଜିତେନ୍ଦ୍ର ସାହୁ
ଗ୍ରା : ଖମାରବେଲରପା
ପୋ.ଅ.- ସାହାନିଆପୁର
ଜି – କେନ୍ଦ୍ରାପଡ଼ା
ପିନ୍ – ୭୫୪୨୦୭
ପ୍ରାପ୍ତେଷୁ ଶ୍ରୀ
ସିଦ୍ଧାର୍ଥ ରାଉତ
ଗ୍ରା : ବେଲପଡ଼ା
ପୋ.ଅ.– ସଇଁତଳା
ଜି – ବଲାଙ୍ଗୀର
ପିନ୍ – ୭୬୭୦୨୬
ସାରାଂଶ : ବନ୍ଧୁଙ୍କୁ ପତ୍ର
ଏହା ହେଉଛି ଜିତେନ୍ଦ୍ର ନାମକ ଜଣେ ପିଲା ତାର ବନ୍ଧୁ ସିଦ୍ଧାର୍ଥକୁ ଲେଖିଥିବା ଏକ ଚିଠି। ଜିତେନ୍ଦ୍ର ତାର ଖରାଛୁଟିର ଅନୁଭୂତି ବର୍ଣ୍ଣନା କରିଛି। ସେ ତା’ ବୋଉ ସହ ‘ବନ୍ଦେ ଭାରତ ଏକ୍ସପ୍ରେସ୍’ ରେ ବସି ପୁରୀ ମାମୁଘରକୁ ବୁଲିବାକୁ ଯାଇଥିଲା। ଜେଜେମା’ଙ୍କ ଦେହ ଖରାପ ଥିବାରୁ ବାପା ତାଙ୍କ ଯତ୍ନ ନେବା ପାଇଁ ଘରେ ରହିଲେ। ଜିତେନ୍ଦ୍ର ତା’ ମାମୁ, ମାଈଁ ଓ ବୋଉଙ୍କ ସହ ପୁରୀ ଓ କୋଣାର୍କ ବୁଲିଲା। ସେ ପୁରୀର ଶ୍ରୀ ଜଗନ୍ନାଥ ମନ୍ଦିର, ବିଶ୍ୱପ୍ରସିଦ୍ଧ ରଥଯାତ୍ରା ଓ ସମୁଦ୍ର କୂଳର ସୌନ୍ଦର୍ଯ୍ୟ ବିଷୟରେ ଚିଠିରେ ଲେଖିଛି।
ଏହାପରେ ସେ କୋଣାର୍କ ମନ୍ଦିର ବିଷୟରେ ବର୍ଣ୍ଣନା କରିଛି ଯେ, ରାଜା ନରସିଂହଦେବ ବାରଶହ ବଢ଼େଇଙ୍କୁ ଲଗାଇ ଏହି ସୂର୍ଯ୍ୟ ମନ୍ଦିର ତିଆରି କରାଇଥିଲେ, ଯାହା ଗୋଟିଏ ରଥ ଆକାରର। ବାର ବର୍ଷର ପିଲା ଧର୍ମପଦ ଏହି ମନ୍ଦିରର ମୁଣ୍ଡି ମାରିଥିଲା। ଏହାଛଡ଼ା ଜିତେନ୍ଦ୍ର ସୁସ୍ଥ ରହିବା ପାଇଁ ଖେଳକୁଦ, ପହଁରିବା, ଯୋଗ ଓ ବ୍ୟାୟାମର ଗୁରୁତ୍ୱ ବିଷୟରେ ସିଦ୍ଧାର୍ଥକୁ ବୁଝାଇଛି ଏବଂ ତାକୁ ମଧ୍ୟ ବ୍ୟାୟାମ କରିବାକୁ ପରାମର୍ଶ ଦେଇଛି। ଶେଷରେ, ସିଦ୍ଧାର୍ଥ ଖରାଛୁଟିରେ କେଉଁଠିକୁ ବୁଲିବାକୁ ଯାଇଥିଲା ତାହା ଚିଠି ଲେଖି ଜଣାଇବାକୁ ଏବଂ ସମୟ ମିଳିଲେ ପରିବାର ସହ ତାଙ୍କ ଘରକୁ ବୁଲି ଆସିବାକୁ ନିମନ୍ତ୍ରଣ କରି ଜିତେନ୍ଦ୍ର ଚିଠି ଶେଷ କରିଛି।
सारांश : मित्र को पत्र
यह जितेंद्र नाम के एक लड़के द्वारा अपने दोस्त सिद्धार्थ को लिखा गया एक पत्र है। जितेंद्र ने अपनी गर्मी की छुट्टियों के अनुभव का वर्णन किया है। वह अपनी माँ के साथ ‘वंदे भारत एक्सप्रेस’ से पुरी में अपने मामा के घर घूमने गया था। दादी की तबीयत खराब होने के कारण पिताजी उनकी देखभाल के लिए घर पर ही रुक गए। जितेंद्र ने अपने मामा, मामी और माँ के साथ पुरी और कोणार्क घूमा। उसने पुरी के श्रीजगन्नाथ मंदिर, विश्व प्रसिद्ध रथ यात्रा और समुद्र तट की सुंदरता के बारे में पत्र में लिखा है।
इसके बाद उसने कोणार्क मंदिर के बारे में बताया है कि राजा नरसिंहदेव ने बारह सौ (1200) बढ़ई (कारीगरों) को लगाकर इस सूर्य मंदिर का निर्माण करवाया था, जो बिल्कुल एक रथ के आकार का है। बारह साल के बालक धर्मपद ने इस मंदिर का कलश (शिखर) स्थापित किया था। इसके अलावा, जितेंद्र ने स्वस्थ रहने के लिए खेलकूद, तैराकी, योग और व्यायाम के महत्व के बारे में सिद्धार्थ को बताया और उसे भी व्यायाम करने की सलाह दी। अंत में, सिद्धार्थ गर्मी की छुट्टियों में कहाँ घूमने गया था, यह पत्र लिखकर बताने और समय मिलने पर परिवार के साथ जितेंद्र के घर आने का निमंत्रण देकर उसने पत्र समाप्त किया है।
ଶବ୍ଦାର୍ଥ
Odia Word | Meaning in Odia | Meaning in Hindi | Meaning in English |
ଯଥାମାନ୍ୟ (Jathamanya) | ଯାହାର ଯେତିକି ମାନ୍ୟତା / ଉଚିତ ସମ୍ମାନ | यथायोग्य सम्मान | Due respect |
ଖରାଛୁଟି (Kharachhuti) | ଗ୍ରୀଷ୍ମ ଅବକାଶ | गर्मी की छुट्टियाँ | Summer vacation |
ବିଶ୍ଵ ପ୍ରସିଦ୍ଧ (Biswa prasiddha) | ସାରା ଦୁନିଆରେ ପରିଚିତ | विश्व प्रसिद्ध | World-famous |
ଭିଡ଼ (Bhida) | ଗହଳି / ବହୁତ ଲୋକଙ୍କର ସମାଗମ | भीड़ | Crowd |
ବିମାନବନ୍ଦର (Bimanabandara) | ଏରୋଡ୍ରମ୍ / ଯେଉଁଠି ଉଡ଼ାଜାହାଜ ଓହ୍ଲାଏ | हवाई अड्डा | Airport |
ମୁହାଣ (Muhana) | ନଦୀ ସମୁଦ୍ରରେ ମିଶିଥିବା ସ୍ଥାନ | मुहाना | River mouth / Estuary |
ବଢ଼େଇ (Badhei) | ଯିଏ କାଠ କାମ ବା ମନ୍ଦିର କାମ କରନ୍ତି | बढ़ई / कारीगर | Carpenter / Artisan |
ମୁଣ୍ଡି ମାରିଥିଲା (Mundi marithila) | ମନ୍ଦିରର ଚୂଡ଼ା ବସାଇ କାମ ଶେଷ କରିଥିଲା | कलश या शिखर स्थापित किया था | Completed the pinnacle (of the temple) |
ବେଳାଭୂମି (Belabhumi) | ସମୁଦ୍ର କୂଳ | समुद्र तट | Sea beach |
ନିତାନ୍ତ (Nitanta) | ନିହାତି / ଅତ୍ୟନ୍ତ | अत्यंत / बहुत ज़रूरी | Extremely / Absolutely necessary |
ଆଗ୍ରହ (Agraha) | ଇଚ୍ଛା / ଉତ୍ସାହ | रूचि / उत्साह | Interest / Eagerness |
ଅନ୍ତରଙ୍ଗ (Antaranga) | ବହୁତ ପାଖ / ପ୍ରିୟ | घनिष्ठ / अंतरंग | Intimate / Close |
ଆସ, କଥାବାର୍ତ୍ତା ହେବା
୧. ଜିତେନ୍ଦ୍ର କାହାକୁ ଚିଠି ଲେଖିଥିଲା ଓ ସେଥିରେ କ’ଣ ଲେଖିଥିଲା ?
ଉତ୍ତର – ଜିତେନ୍ଦ୍ର ତା’ର ସାଙ୍ଗ ସିଦ୍ଧାର୍ଥକୁ ଚିଠି ଲେଖିଥିଲା। ସେ ଚିଠିରେ ତା’ର ଖରାଛୁଟି ଅନୁଭୂତି, ପୁରୀ ଓ କୋଣାର୍କ ବୁଲା ଏବଂ ସୁସ୍ଥ ରହିବା ପାଇଁ ଖେଳକୁଦ ଓ ବ୍ୟାୟାମର ଗୁରୁତ୍ୱ ବିଷୟରେ ଲେଖିଥିଲା।
୨. ଜିତେନ୍ଦ୍ର ଛୁଟି କଟାଇବାକୁ କେଉଁଠାକୁ ଯାଇଥିଲା ?
ଉତ୍ତର – ଜିତେନ୍ଦ୍ର ଖରାଛୁଟି କଟାଇବାକୁ ନିଜ ମାମୁଘର ପୁରୀ ଯାଇଥିଲା।
୩. ତୁମେ ଏ ବର୍ଷ ଗ୍ରୀଷ୍ମଛୁଟି କଟାଇବାକୁ କେଉଁଠାକୁ ଯାଇଥିଲ କୁହ ?
ଉତ୍ତର – ଏ ବର୍ଷ ଗ୍ରୀଷ୍ମଛୁଟିରେ ମୁଁ ମୋ ବାପାମାଆଙ୍କ ସାଙ୍ଗରେ ମୋ ଅଜାଘର କଟକ ଯାଇଥିଲି।
୪. ଶାରୀରିକ ଶ୍ରମ ପାଇଁ ମାମୁ ତାକୁ କ’ଣ କ’ଣ କରିବାକୁ କହୁଥିଲେ ?
ଉତ୍ତର – ଶାରୀରିକ ଶ୍ରମ ପାଇଁ ମାମୁ ତାକୁ ଚାଲିବା, ଖେଳିବା, ସାଇକେଲ୍ ଚଲାଇବା, ଦୌଡ଼ିବା ଓ ପହଁରିବାକୁ କହୁଥିଲେ।
୫. ତୁମେ କେଉଁସବୁ ସ୍ଥାନକୁ ବୁଲିବାକୁ ଯାଇଛ, ତାହାର ନାମ ଲେଖ।
ଉତ୍ତର – ମୁଁ ନନ୍ଦନକାନନ, ଖଣ୍ଡଗିରି, ଉଦୟଗିରି ଏବଂ ପୁରୀ ସମୁଦ୍ରକୂଳ ବୁଲିବାକୁ ଯାଇଛି।
ଚିନ୍ତା କର ଓ ଲେଖ
୧. ଏହି ପତ୍ରରୁ ପୁରୀ ସହର ବିଷୟରେ କ’ଣ ସବୁ ଜାଣିବାକୁ ମିଳିଲା ?
ଉତ୍ତର – ଏହି ପତ୍ରରୁ ଜାଣିବାକୁ ମିଳିଲା ଯେ, ପୁରୀରେ ବିଶ୍ୱପ୍ରସିଦ୍ଧ ଜଗନ୍ନାଥ ମନ୍ଦିର ଅଛି, ପ୍ରତିବର୍ଷ ସେଠାରେ ରଥଯାତ୍ରା ହୁଏ, ଏବଂ ପୁରୀର ସମୁଦ୍ରକୂଳ ବହୁତ ସୁନ୍ଦର ଅଟେ।
୨. ଶାରୀରିକ ପରିଶ୍ରମ କରିବା କାହିଁକି ଆବଶ୍ୟକ ? ତୁମେ ପ୍ରତିଦିନ ଶାରୀରିକ ପରିଶ୍ରମ କରୁଛ କି ?
ଉତ୍ତର – ଶରୀର ଏବଂ ମନକୁ ସୁସ୍ଥ ରଖିବା ପାଇଁ ଏବଂ କାମରେ ଆଗ୍ରହ ଆଣିବା ପାଇଁ ଶାରୀରିକ ପରିଶ୍ରମ ଆବଶ୍ୟକ। ହଁ, ମୁଁ ପ୍ରତିଦିନ ସାଙ୍ଗମାନଙ୍କ ସହିତ ଖେଳେ ଓ ସାଇକେଲ୍ ଚଲାଏ।
୩. ଜିତେନ୍ଦ୍ର କେଉଁସବୁ ଖେଳ ଖେଳେ ବୋଲି ସାଙ୍ଗକୁ ଲେଖିଥିଲା ?
ଉତ୍ତର – ଜିତେନ୍ଦ୍ର କ୍ରିକେଟ୍, କବାଡ଼ି ଏବଂ ଖୋଖୋ ପରି ଖେଳ ଖେଳେ ବୋଲି ସାଙ୍ଗକୁ ଲେଖିଥିଲା।
୪. ତୁମକୁ କେଉଁ ଖେଳ ଖେଳିବାକୁ ଭଲ ଲାଗେ ? ସେଗୁଡ଼ିକର ନାମ ଲେଖ।
ଉତ୍ତର – ମୋତେ ଲୁଚକାଳି, ବ୍ୟାଡ୍ମିଣ୍ଟନ୍ ଏବଂ ଫୁଟବଲ୍ ଖେଳିବାକୁ ଭଲ ଲାଗେ।
ଭାଷାର କଥା
୧. ତୁମେ ଯେଉଁ ପ୍ରସଙ୍ଗଟି ପଢ଼ିଲ ସେଥିରେ କେତେକ ଖେଳର ନାମ ଅଛି । ସାରଣୀରୁ ବାଛି ଖାଲି ସ୍ଥାନରେ ଲେଖ।
ଯେପରି – କ୍ରିକେଟ୍
୧. କ୍ରିକେଟ୍ (ଏହା ଆଗରୁ ଉଦାହରଣରେ ତୀର ଚିହ୍ନ ଦ୍ୱାରା ଦିଆଯାଇଛି: କ୍ରି-କେ-ଟ୍)
୨. ଖୋଖୋ (ଦ୍ୱିତୀୟ ସ୍ତମ୍ଭରେ ଉପରୁ ତଳକୁ ଦେଖିଲେ ମିଳିବ: ଖୋ-ଖୋ)
୩. କବାଡ଼ି (ପ୍ରଥମ ସ୍ତମ୍ଭରେ ଉପରୁ ତଳକୁ ଦେଖିଲେ ମିଳିବ: କ-ବା-ଡ଼ି)
୪. ଫୁଟବଲ୍ (ପ୍ରଥମ ଧାଡ଼ିର ମଝିରୁ ବାମରୁ ଡାହାଣକୁ: ଫୁ-ଟ-ବ-ଲ୍)
୫. ଟେନିସ୍ (ପଞ୍ଚମ ଧାଡ଼ିରେ ବାମରୁ ଡାହାଣକୁ: ଟେ-ନି-ସ୍)
୬. ଶଗଡ଼ / ଛକା
୨. ତୁମ ବିଦ୍ୟାଳୟରେ ତୁମେ କେଉଁ ସବୁ ଖେଳ ଖେଳିବାକୁ ଭଲ ପାଅ ? ତା’ର ନାମ ଲେଖ।
ଉତ୍ତର – ଆମ ବିଦ୍ୟାଳୟରେ ମୁଁ ଦୌଡ଼, ମ୍ୟୁଜିକାଲ୍ ଚେୟାର ଏବଂ କବାଡ଼ି ଖେଳିବାକୁ ଭଲ ପାଏ।
୩. ପ୍ରସଙ୍ଗରେ ଥିବା ‘ର’ ଫଳା ( ୍ର ) ଯୁକ୍ତ ଶବ୍ଦ ବାଛି ଲେଖ ଓ ବାକ୍ୟ ଗଠନ କର।
(କ) ରଥଯାତ୍ରା – ପୁରୀର ରଥଯାତ୍ରା ଦେଖିବାକୁ ବହୁତ ଭିଡ଼ ହୁଏ।
ପ୍ରସିଦ୍ଧ – କୋଣାର୍କ ଗୋଟିଏ ପ୍ରସିଦ୍ଧ ମନ୍ଦିର।
ଆଗ୍ରହ – ମୋର ପାଠ ପଢ଼ିବାକୁ ବହୁତ ଆଗ୍ରହ ଅଛି।
(ଖ) ପତ୍ରରେ ବ୍ୟବହୃତ ହୋଇଥିବା ରେଫ୍ ( ର୍ ) ଯୁକ୍ତ ଶବ୍ଦକୁ ବାଛି ଲେଖ ଓ ବାକ୍ୟ ଗଠନ କର।
ସିଦ୍ଧାର୍ଥ – ସିଦ୍ଧାର୍ଥ ମୋର ସବୁଠୁ ଭଲ ସାଙ୍ଗ।
ବର୍ଷ – ଗୋଟିଏ ବର୍ଷରେ ବାର ମାସ ଥାଏ।
ସୂର୍ଯ୍ୟ – ସୂର୍ଯ୍ୟ ପୂର୍ବ ଦିଗରେ ଉଦୟ ହୁଅନ୍ତି।
୪. ଶବ୍ଦର ଶେଷ ଅକ୍ଷରକୁ ନେଇ ନୂଆ ଶବ୍ଦ ଗଢ଼ ଓ ଲେଖ।
୧. ଘର -> ରସ
୨. ରସ -> ସହର
୩. ସହର -> ରଥ
୪. ରଥ -> ଥୟ
୫. ଥୟ -> ଯମ
୬. ଯମ -> ମନ
୫. ନାମକୁ ବୁଝାଉଥିବା ଶବ୍ଦକୁ ଖୋଜି ରଙ୍ଗ ଦିଅ।
ସିଦ୍ଧାର୍ଥ (ମଣିଷର ନାମ)
ଜିତେନ୍ଦ୍ର (ମଣିଷର ନାମ)
ପୁରୀ (ଜାଗାର ନାମ)
କୋଣାର୍କ (ଜାଗାର ନାମ)
କଟକ (ଜାଗାର ନାମ)
ଅଧିକ ଜାଣିବା କଥା
୧. ଓଡ଼ିଶାରେ ଥିବା ପ୍ରସିଦ୍ଧ ପର୍ଯ୍ୟଟନସ୍ଥଳୀଗୁଡ଼ିକର ନାମ ଲେଖ।
ଉତ୍ତର – କୋଣାର୍କ, ଲିଙ୍ଗରାଜ ମନ୍ଦିର, ଗୁପ୍ତେଶ୍ଵର, ଚିଲିକା ହ୍ରଦ, ନନ୍ଦନକାନନ, ଧଉଳିଗିରି ଓ ପୁରୀ।
୨. ତୁମ ଅଞ୍ଚଳରେ ଥିବା ପର୍ଯ୍ୟଟନସ୍ଥଳୀର ନାମ ଲେଖ।
ଉତ୍ତର – ଆମ ଅଞ୍ଚଳ ପାଖରେ ‘ଖଣ୍ଡଗିରି ଓ ଉଦୟଗିରି’ ଗୁମ୍ଫା ଅଛି।
୩. ଗୀତ ଗାଇ ଗାଇ ଖେଳାଯାଉଥିବା ଖେଳର ନାମ ଲେଖ।
ଉତ୍ତର – ଇଟିକିଲି ମିଟିକିଲି, ଥୁକୁଲୁ ଥା, ରୁମାଲ୍ ଚୋରି, ବୋହୂ ବୋହୂକା ଖେଳ।
୪. ଚିତ୍ର ଦେଖ୍ ତଳ କୋଠରିରେ ଚିତ୍ରଗୁଡ଼ିକର ନାମ ଲେଖ।
ପୋଷ୍ଟକାର୍ଡ, ମନିଅର୍ଡର, ଖାମ, ଟିକଟ
ନିଜେ କର (ଦଶହରା ଛୁଟି ବିଷୟରେ ସାଙ୍ଗକୁ ଚିଠି ଲେଖ)
ସ୍ଥାନ – କଟକ
ତା – ୧୦.୧୦.୨୦୨୬
ପ୍ରିୟ ସୁମିତ୍,
ଆଶା କରୁଛି ତୁମେ ସମସ୍ତେ ଭଲରେ ଥିବ। ମୋର ଭଲ ପାଇବା ନେବୁ ଏବଂ ମାଉସୀ ମଉସାଙ୍କୁ ମୋର ପ୍ରଣାମ ଜଣାଇବୁ। ଏ ବର୍ଷ ଦଶହରା ଛୁଟିରେ ମୁଁ ମୋ ବାପାମାଆଙ୍କ ସହିତ କଟକରେ ବୁଲିବାକୁ ଯାଇଥିଲି। କଟକର ଦଶହରା ଭାରି ପ୍ରସିଦ୍ଧ। ଆମେ ସେଠାରେ ବହୁତ ବଡ଼ ବଡ଼ ସୁନା ଓ ରୂପା ମେଢ଼ ଦେଖିଲୁ। ରାସ୍ତାରେ ବହୁତ ରଙ୍ଗୀନ୍ ଲାଇଟ୍ ଲାଗିଥିଲା ଆଉ ଭାରି ଗହଳି ମଧ୍ୟ ହୋଇଥିଲା। ଆମେ ମେଳାରୁ ଖେଳଣା କିଣିଲୁ ଆଉ ବହୁତ ମଜା କଲୁ। ତୁ ଦଶହରା ଛୁଟିରେ କେଉଁଠିକୁ ଯାଇଥିଲୁ, ମୋତେ ଚିଠି ଲେଖି ଜଣାଇବୁ।
॥ ଇତି ॥
ତୁମର ବନ୍ଧୁ
ରାହୁଲ
ଠିକଣା (ଉଦାହରଣ) –
ପ୍ରେରକ –
ଶ୍ରୀ ରାହୁଲ ଦାସ
ଗ୍ରା/ପୋ – ମଧୁପାଟଣା
ଜି – କଟକ
ପ୍ରାପ୍ତେଷୁ –
ଶ୍ରୀ ସୁମିତ୍ ନାୟକ
ଗ୍ରା/ପୋ – ସାହିଦ୍ ନଗର
ଜି – ଖୋର୍ଦ୍ଧା