स्वच्छं भारतं प्रायः अधिकांशानां भारतीयानां स्वप्नः अस्ति परं स्वप्नमात्रेण तु स्वच्छता न भविष्यति। वयं सर्वे मिलित्वा अस्यां दिशायां प्रयासं कुर्याम। वयं पश्यामः यत् जनाः मार्गेषु अथवा सार्वजनिकेषु स्थानेषु यत्र कुत्रापि अवकरं क्षिपन्ति, किम् इदम् उचितम् अस्ति? एतत् न करणीयम् यतः सर्वकारः एकाकी एव इदं कार्यं सफलं कर्तुं न शक्नोति। यदि वयम् अपि सहायतां करिष्यामः जागरुकाः च भविष्यामः तदा अयं स्वप्नः अवश्यमेव पूर्णः भविष्यति।
- एकपदेन उत्तरत-
(i) जनाः मार्गेषु किं क्षिपन्ति?
उत्तरम् – अवकरं
(ii) स्वच्छं भारतं केषां स्वप्नः अस्ति?
उत्तरम् – भारतीयानाम्
- पूर्णवाक्येन उत्तरत-
(i) अयं स्वप्नः कदा पूर्णः भविष्यति?
उत्तरम् – यदि वयम् अपि सहायतां करिष्यामः जागरुकाः च भविष्यामः तदा अयं स्वप्नः पूर्णः भविष्यति।
(ii) वयं किं पश्यामः?
उत्तरम् – वयं पश्यामः यत् जनाः मार्गेषु अथवा सार्वजनिकेषु स्थानेषु यत्र कुत्रापि अवकरं क्षिपन्ति।
- निर्देशानुसारम् उत्तरत-
(i) ‘स्वच्छं भारतं भारतीयानां स्वप्नः अस्ति’ इति वाक्ये ‘भारतम्’ इति पदस्य विशेषणपदं किम्?
उत्तरम् – (घ) स्वच्छम्
(ii) ‘कुर्याम’ इति क्रियापदस्य कर्तृपदं किम्?
उत्तरम् – (ग) वयम्
(iii) ‘एतत् न करणीयम्’ इति वाक्ये अव्ययपदं किम्?
उत्तरम् – (ख) न
(iv) ‘स्वच्छता’ इति कर्तृपदस्य क्रियापदं गद्यांशे किं प्रयुक्तम्?
उत्तरम् – (क) भविष्यति
- अस्य गद्यांशस्य उचितं शीर्षकं लिखत-
उत्तरम् – ‘स्वच्छ भारत अभियान’
अथवा
उत्तरम् – ‘स्वच्छतायाः महत्वम्’